വൈത്തിരി: സി.പി.എം ജില്ലാ സമ്മേളനം പ്രകടനത്തിനും പൊതുയോഗത്തിനും ശേഷം ഇന്ന് സമാപിക്കും. വൈത്തിരി ബസ്സ്റ്റാന്റ് പരിസരത്ത് തയ്യാറാക്കിയ വേദിയിൽ നടക്കുന്ന പൊതുയോഗം കേന്ദ്ര കമ്മറ്റി അംഗം എ.വിജയരാഘവൻ ഉദ്ഘാടനം ചെയ്യും. ഇ.പി.ജയരാജൻ, പി.കെ.ശ്രീമതി, എം.വി.ഗോവിന്ദൻ, കെ.രാധാകൃഷ്ണൻ, ടി.പി.രാമകൃഷ്ണൻ എന്നിവർ പങ്കെടുക്കും. കൊവിഡ് സാഹചര്യത്തി​ൽ ജില്ലാ തല റാലി ഒഴിവാക്കി. എല്ലാ ലോക്കൽ കേന്ദ്രങ്ങളിലും അനുബന്ധ പ്രകടനങ്ങളും പൊതുയോഗങ്ങളും നടക്കും. രാവി​ലെ ജില്ലാ കമ്മറ്റി, സംസ്ഥാന സമ്മേളന പ്രതിനിധികളെ തി​രഞ്ഞെടുക്കും.
ഇന്നലെ നടന്ന പൊതുചർച്ചയി​ൽ വിവിധ ഏരിയകളിൽനിന്ന് എത്തിയ 125 പ്രതിനിധികളെ പ്രതിനിധീകരിച്ച് 17 പേർ പങ്കെടുത്തു.
എം.എ.ബേബി, പി.ഗഗാറിൻ എന്നിവർ ചർച്ചകൾക്ക് മറുപടി പറഞ്ഞു. വൈകിട്ട് നടന്ന സാംസ്‌കാരിക സമ്മേളനം മുരുകൻ കാട്ടാക്കട ഉദ്ഘാടനം ചെയ്തു.