കൽപ്പറ്റ: ജില്ലയിൽ ഇന്നലെ 68 പേർക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ. കെ.സക്കീന അറിയിച്ചു. 174 പേർ രോഗമുക്തി നേടി. എല്ലാവർക്കും സമ്പർക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 5.15 ആണ്. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 134663 ആയി.132974 പേർ രോഗമുക്തരായി. നിലവിൽ 940 പേരാണ് ചികിത്സയിലുള്ളത്. ഇവരിൽ 878 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 888 പേർ ഉൾപ്പെടെ ആകെ 10318 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 386 സാമ്പിളുകൾ ഇന്ന് പരിശോധനയ്ക്ക് അയച്ചതായി ജില്ലാ മെഡിക്കൽ ഓഫീസർ അറിയിച്ചു.

മുള്ളൻകൊല്ലി 14, പുൽപ്പള്ളി 11, ബത്തേരി 9, മുട്ടിൽ 7, കൽപ്പറ്റ 6, എടവക, കണിയാമ്പറ്റ, നെന്മേനി 4 വീതം, പൂതാടി, മേപ്പാടി 2 വീതം, മാനന്തവാടി, മീനങ്ങാടി, അമ്പലവയൽ, നൂൽപ്പുഴ, വൈത്തിരി ഒരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്.