കൽപ്പറ്റ: വയനാട് ജില്ലയിൽ ഇന്നലെ 30 പേർക്ക് കൂടി കൊവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ ഡോ. കെ.സക്കീന അറിയിച്ചു. 128 പേർ രോഗമുക്തി നേടി. 29 പേർക്ക് സമ്പർക്കത്തിലൂടെയാണ് രോഗബാധ. ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,35,145 ആയി. 1,33,636 പേർ രോഗമുക്തരായി. നിലവിൽ 788 പേരാണ് ചികിത്സയിലുള്ളത്. ഇവരിൽ 732 പേർ വീടുകളിലാണ് ഐസൊലേഷനിൽ കഴിയുന്നത്. പുതുതായി നിരീക്ഷണത്തിലായ 807 പേർ ഉൾപ്പെടെ ആകെ 9234 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 446 സാമ്പിളുകൾ ഇന്ന് പരിശോധനയ്ക്ക് അയച്ചതായി ജില്ലാ മെഡിക്കൽ ഓഫീസർ അറിയിച്ചു.

 രോഗം സ്ഥിരീകരിച്ചവർ

മുള്ളൻകൊല്ലി 8, ബത്തേരി 3, കൽപ്പറ്റ, മാനന്തവാടി, നൂൽപ്പുഴ എടവക, പുൽപ്പള്ളി, പൂതാടി 2 വീതം, പനമരം, നെന്മേനി, വെങ്ങപ്പള്ളി, മേപ്പാടി, തവിഞ്ഞാൽ, മീനങ്ങാടി ഒരോരുത്തർക്കുമാണ് സമ്പർക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ കർണാടകയിൽ നിന്ന് വന്ന തിരുനെല്ലി സ്വദേശിക്കും രോഗം സ്ഥിരീകരിച്ചു.