ചേർത്തല:കോക്കോതമംഗലം വില്ലേജിലെ റീ സർവേ സംബന്ധിച്ച് ഉയർന്നിട്ടുള്ള പരാതികൾ അടിയന്തരമായി പരിഹരിക്കണമെന്ന് താലൂക്ക് വികസന സമിതി യോഗം ആവശ്യപ്പെട്ടു. അരൂർ, അരൂക്കു​റ്റി മേഖലയിൽ കഴിയുന്നവരുടെ സൗകര്യാർത്ഥം തൈക്കാട്ടുശേരിയിൽ വാഹന ഡ്രൈവിംഗ് ടെസ്​റ്റിന് ക്രമീകരണം ഒരുക്കുക, ദേശീയ പാതയിൽ പൊന്നാംവെളിക്ക് വടക്ക് ഭാഗത്തേക്കുള്ള അശാസ്ത്രീയമായ യു ടേണുകൾ ഒഴിവാക്കുക, പാതയോരങ്ങളിലും പൊതുസ്ഥലങ്ങളിലും അപകടരകമായി നിൽക്കുന്ന വൃക്ഷങ്ങൾ വെട്ടിമാ​റ്റുക തുടങ്ങിയ ആവശ്യങ്ങളും യോഗം ചർച്ച ചെയ്തു. എം.ഇ രാമചന്ദ്രൻ നായർ അദ്ധ്യക്ഷത വഹിച്ചു. തഹസിൽദാർ ആർ. ഉഷ, പി.എസ് ഗോപിനാഥ പിള്ള,പ്രദീപ്, പി.കെ ഫസലുദ്ദീൻ, പി.രമേശ പണിക്കർ, അരൂക്കുറ്റി,പാണാവള്ളി,തൈക്കാട്ടുശേരി,മുഹമ്മ,ചേന്നംപള്ളിപ്പുറം പഞ്ചായത്ത് പ്രസിഡന്റുമാരും വിവിധ രാഷ്ട്രീയ പാർട്ടി നേതാക്കളും പങ്കെടുത്തു.