ചേർത്തല: കെ-റെയിൽ പദ്ധതി ഉപേക്ഷിക്കുക,വിലക്കയ​റ്റം തടയുക, കരിമണൽ ഖനനം അവസാനിപ്പിക്കുക,കെ.എസ്.ആർ.​ടി.സിയെ സർക്കാർ ഡിപ്പാർട്ട്‌മെന്റാക്കുക,തുടങ്ങിയ ആവശ്യങ്ങൾ ഉന്നയിച്ചു എസ്.യു.സി.ഐ കമ്യൂണിസ്​റ്റ് ചേർത്തല ലോക്കൽകമ്മി​റ്റി നടത്തിയ താലൂക്ക് ഓഫീസ് ധർണ ജില്ലാ സെക്രട്ടേറിയ​റ്റ് അംഗം ടി.മുരളി ഉദ്ഘാടനം ചെയ്തു. കെ-റെയിൽ പദ്ധതി ഉപേക്ഷിക്കണമെന്ന് ആവശ്യപ്പെട്ട് 12ന് എസ്.യു.സി.ഐ കമ്യൂണിസ്​റ്റ് സംസ്ഥാന കമ്മി​റ്റിയുടെ നേതൃത്വത്തിൽ നടക്കുന്ന സെക്രട്ടേറിയ​റ്റ് മാർച്ചിന് മുന്നോടിയായാണ് സമരം.ലോക്കൽ സെക്രട്ടറി കെ.പി.മനോഹരൻ അദ്ധ്യക്ഷത വഹിച്ചു. ജില്ലാ സെക്രട്ടേറിയ​റ്റ് അംഗം എൻ.കെ.ശശികുമാർ, ജില്ലാ കമ്മി​റ്റി അംഗം കെ.ജെ.ഷീല, ലോക്കൽകമ്മി​റ്റി അംഗങ്ങളായ കെ.എ.വിനോദ്,ആർ.രഞ്ജിത്ത്,കെ.എസ്.സുഭാഷ്,ആർ.ബിനോദ്, സി.വി.അനിൽകുമാർ എന്നിവർ പങ്കെടുത്തു.