മാവേലിക്കര: താലൂക്ക് സഹകരണ ബാങ്ക് തഴക്കര ശാഖയിൽ തട്ടിപ്പിനിരയായ നിക്ഷേപകരുടെ അനിശ്ചിതകാല സമരം 22ാം ദിവസത്തിലേക്ക്. ഇന്നലെ നടന്ന സമരം സി.ഐ.ടി​.യു ജില്ലാ കമ്മി​റ്റി അംഗം കെ.ആർ.ദേവരാജൻ ഉദ്ഘാടനം ചെയ്തു. കൺവീനർ ബീ.ജയകുമാർ അദ്ധ്യക്ഷനായി. നിക്ഷേപക കൂട്ടായ്മ പ്രതിനിധി ടി​.കെ.പ്രഭാകരൻ നായർ മുഖ്യപ്രഭാഷണം നടത്തി. ഉദയലക്ഷ്മി, രമ, രഞ്ജു ജയകുമാർ, ശ്രീകുമാരിയമ്മ, പ്രഭാ ബാബു, ഇന്ദിര, ചാക്കോ ചെറിയാൻ എന്നിവർ സംസാരിച്ചു.