ചേർത്തല: ചെറുവാരണം ശ്രീനാരായണപുരം ക്ഷേത്രത്തിലെ (പുത്തനമ്പലം) ഉത്സവകൊടിയേ​റ്റിന് മന്നോടിയായി തണ്ണീർമുക്കം ഞെട്ടയിൽ അന്നപൂർണേശ്വരി ക്ഷേത്രത്തിൽ നിന്ന് വി.എം. സദാനന്ദൻ സ്മാരക കൊടിക്കയർ സമിതിയുടെ നേതൃത്വത്തിൽ പ്രയാണമാരംഭിക്കുന്ന കൊടിക്കയർ ഘോഷയാത്ര നാളെ വൈകിട്ട് 4.30ന് പുറപ്പെടും. സ്‌കൂൾ കവല, മുട്ടത്തിപ്പറമ്പ് കവല, പുത്തനങ്ങാടി, സമന്വയ ജംഗ്ഷൻ, കൊല്ലംപറമ്പ്, ഐ.ആർ.ഡി.പി കവല, അഴീക്കോടൻ കവല, മുട്ടത്തിപ്പറമ്പ് മാർക്ക​റ്റ്, കേളവത്ത്, അയ്യപ്പഞ്ചേരി വഴി രാത്രി 9ന് പുത്തനമ്പലം ക്ഷേത്രത്തിൽ എത്തിച്ചേരും. എസ്.എൻ.ഡി.പി യോഗം ശാഖകളുടെയും മ​റ്റ് പോഷക സംഘടനകളുടെയും നേതൃത്തിൽ വിവിധ സ്ഥലങ്ങളിൽ ഘോഷയാത്രയ്ക്ക് സ്വീകരണം നൽകും. ദേവസ്വം പ്രസിഡന്റ് വി.എം. പുരുഷോത്തമൻ ഘോഷയാത്ര ഉദ്ഘാടനം ചെയ്യും.