ചേർത്തല: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ ധന്യസാരഥ്യത്തിന്റെ രജത ജൂബിലി ആഘോഷങ്ങളുടെ ഭാഗമായി ഒരുവർഷം നീണ്ടുനിൽക്കുന്ന പരിപാടികളുടെ ഭാഗമായി രജതം രാജകീയം എന്ന പേരിൽ യൂത്ത് മൂവ്മെന്റ് ചേർത്തല യൂണിയനിൽ നടക്കുന്ന പ്രവർത്തക കൺവെൻഷൻ ഇന്ന് രാവിലെ 10ന് യോഗം വൈസ് പ്രസിഡന്റ് തുഷാർ വെള്ളാപ്പള്ളി ഉദ്ഘാടനം ചെയ്യും.

യൂത്ത്മൂവ്മെന്റ് യൂണിയൻ പ്രസിഡന്റ് ജെ.പി. വിനോദ് അദ്ധ്യക്ഷനാകും. ചേർത്തല യൂണിയൻ പ്രസിഡന്റ് കെ.വി. സാബുലാൽ പ്രതിഭകളെ ആദരിക്കും. സെക്രട്ടറി വി.എൻ. ബാബു സംഘടനാ സന്ദേശം നൽകും. സതീഷ് കുട്ടനാട് മുഖ്യപ്രഭാഷണം നടത്തും. യൂണിയൻ വൈസ് പ്രസിഡന്റ് രവീന്ദ്രൻ അഞ്ജലി, യോഗം ഡയറക്ടർ ബോർഡ് അംഗം വി. ശശികുമാർ, വിഷ്ണു കായംകുളം, കെ.വി. മണിലാൽ എന്നിവർ സംസാരിക്കും. യുവത്വം സമുദായത്തിന് എന്ന വിഷയത്തിൽ യൂത്ത്മൂവ്മെന്റ് സെക്രട്ടറി അജയൻ പറയകാട് സ്വാഗതവും വൈസ് പ്രസിഡന്റ് സജേഷ് നന്ദ്യാട്ട് നന്ദിയും പറയും.

കണിച്ചുകുളങ്ങര യൂണിയൻ ഹാളിൽ ഇന്ന് വൈകിട്ട് 3ന് നടക്കുന്ന പ്രവർത്തക യോഗം എസ്.എൻ.ഡി.പി യോഗം വൈസ് പ്രസിഡന്റ് തുഷാർ വെള്ളാപ്പള്ളി ഉദ്ഘാടനം ചെയ്യും. യൂത്ത്മൂവ്മെന്റ് യൂണിയൻ പ്രസിഡന്റ് അനിലാൽ കൊച്ചുകുട്ടൻ അദ്ധ്യക്ഷനാകും. യൂണിയൻ സെക്രട്ടറി ഇൻ ചാർജ് പി.എസ്.എൻ. ബാബു മുഖ്യപ്രഭാഷണം നടത്തും. യൂത്ത്മൂവ്മെന്റ് കേന്ദ്ര സമിതി പ്രസിഡന്റ് സന്ദീപ് പച്ചയിൽ സംഘടനാ സന്ദേശം നൽകും. യൂത്ത്മൂവ്മെന്റ് യൂണിയൻ സെക്രട്ടറി ഷിബു പുതുക്കാട് സ്വാഗതം പറയും.