ഹരിപ്പാട്: പല്ലന കുമാരകോടി കുമാരനാശാൻ സ്മാരക സമിതിയുടെ ആഭിമുഖ്യത്തിൽ മഹാകവി കുമാരനാശാന്റെ 99മത് ചരമവാർഷിക ദിനാചരണം 17, 18 തീയതികളിൽ നടക്കും. 17ന് രാവിലെ 9ന് പുഷ്പാർച്ചന, 9.05ന് പതാക ഉയർത്തൽ. തുടർന്ന് ദുരവസ്ഥയുടെ നൂറ് വർഷങ്ങൾ എന്ന വിഷയത്തിൽ നടക്കുന്ന ശതാബ്ദി പ്രഭാഷണ പരമ്പര മന്ത്രി പി. പ്രസാദ് ഉദ്ഘാടനം ചെയ്യും. സ്മാരക സമിതി വൈസ് ചെയർമാൻ രാമപുരം ചന്ദ്രബാബു അദ്യക്ഷനാകും. ഡോ. പി. സോമൻ വിഷയം അവതരിപ്പിക്കും. സ്മാരക സമിതി സെക്രട്ടറി പ്രൊഫ. കെ. ഖാൻ സ്വാഗതവും കുമാരകോടി ബാലൻ നന്ദിയും പറയും. വൈകിട്ട് 4.30ന് നടക്കുന്ന സാംസ്കാരിക സമ്മേളനം മുൻ മന്ത്രി ജി. സുധാകരൻ ഉദ്ഘാടനം ചെയ്യും. ഉന്നത വിദ്യാഭ്യാസ കൗൺസിൽ വൈസ് ചെയർമാൻ ഡോ. രാജൻ ഗുരുക്കൾ മുഖ്യാതിഥിയാകും. സ്മാരക സമിതി ചെയർമാൻ രാജീവ്‌ ആലുങ്കൽ അദ്ധ്യക്ഷനാകും. വൈകിട്ട് 6.30ന് ഡോ. വസന്തകുമാർ സാംബശിവന്റെ കഥാപ്രസംഗം. 18ന് രാവിലെ 10ന് കവിസംഗമം കവിയും ചലച്ചിത്ര ഗാനരചയിതാവുമായ വയലാർ ശരത്ത്ചന്ദ്ര വർമ്മ ഉദ്ഘാടനം ചെയ്യും. ഇളനെല്ലൂർ തങ്കച്ചൻ അദ്ധ്യക്ഷനാകും. വൈകിട്ട് 4.30ന് നടക്കുന്ന ആശാൻ അനുസ്മരണ സമ്മേളനം മന്ത്രി സജി ചെറിയാൻ ഉദ്ഘാടനം ചെയ്യും. രമേശ്‌ ചെന്നിത്തല എം.എൽ.എ അദ്ധ്യക്ഷനാകും. മുൻ ചീഫ് സെക്രട്ടറി ഡോ. കെ. ജയകുമാർ മുഖ്യാതിഥിയായി പങ്കെടുക്കും. കാലടി ശ്രീശങ്കരാചാര്യ സംസ്‌കൃത സർവകലാശാല പ്രൊഫസർ ഡോ. സുനിൽ.പി. ഇളയിടം മുഖ്യപ്രഭാഷണം നടത്തും. സ്മാരക സമിതി സെക്രട്ടറി പ്രൊഫ. കെ. ഖാൻ വിശിഷ്ടാതിഥികളെ ആദരിക്കും. ചെയർമാൻ രാജീവ്‌ ആലുങ്കൽ സ്വാഗതവും തഹസിൽദാർ ഡി.സി. ദിലീപ് നന്ദിയും പറയും. രാത്രി 7ന് നാടകം സ്വർണമുഖി എന്നിവ നടക്കും. വാർത്താസമ്മേളനത്തിൽ പ്രൊഫ. കെ. ഖാൻ, സി.എൻ.എൻ. നമ്പി, കുമാരകോടി ബാലൻ, എം. തങ്കച്ചൻ എന്നിവർ പങ്കെടുത്തു.