മാന്നാർ: ചെങ്ങന്നൂർ മുൻ എം.എൽ.എ കെ.കെ. രാമചന്ദ്രൻ നായരുടെ നാലാമത് ചരമവാർഷികം സി.പി.എം മാന്നാർ ഏരിയാ കമ്മിറ്റിയുടെ നേതൃത്വത്തിൽ ആചരിച്ചു. മാന്നാർ സർവീസ് സഹകരണ ബാങ്ക് ഹാളിൽ ചേർന്ന സമ്മേളനം ജില്ലാ സെക്രട്ടറി ആർ. നാസർ ഉദ്ഘാടനം ചെയ്തു. ജില്ലാ കമ്മിറ്റിഅംഗം പി. വിശ്വംഭരപണിക്കർ അദ്ധ്യക്ഷനായി. ഏരിയാ സെക്രട്ടറി പ്രൊഫ. പി.ഡി. ശശിധരൻ അനുസ്മരണ പ്രഭാഷണം നടത്തി. ജില്ലാ കമ്മിറ്റി അംഗം പുഷ്പലത മധു, കെ.എം. അശോകൻ, ജി. രാമകൃഷ്ണൻ, പി.എൻ. ശെൽവരാജൻ, കെ. നാരായണപിള്ള, സി. ജയചന്ദ്രൻ, ബ്ലോക്ക് പഞ്ചായത്ത് വൈസ് പ്രസിഡന്റ് ടി. സുകുമാരി, ഗ്രാമ പഞ്ചായത്ത് പ്രസിഡന്റ് ടി.വി. രത്നകുമാരി എന്നിവർ സംസാരിച്ചു.