മാവേലിക്കര: അന്യസംസ്ഥാന തൊഴിലാളികളിൽ നിന്ന് മാവേലിക്കര എക്സൈസ് സംഘം 2 കിലോ കഞ്ചാവ് പിടികൂടി. ചെട്ടികുളങ്ങര പേളാ ഭാഗത്ത് അന്യസംസ്ഥാന തൊഴിലാളികൾ വൻതോതിൽ കഞ്ചാവ് വിൽപ്പന നടത്തുന്നതായുള്ള രഹസ്യ വിവരത്തിന്റെ അടിസ്ഥാനത്തിൽ മാവേലിക്കര എക്സൈസ് സർക്കിൾ ഇൻസ്പെക്ടർ വി.രാജേഷിന്റെ നേതൃത്വത്തിൽ നടത്തിയ റെയിഡിലാണ് 2 കിലോ കഞ്ചാവ് കണ്ടെടുത്തത്. ബീഹാർ സ്വദേശികളായ പർവാത് റാം, സുനിൽ ദാസ് എന്നിവരെ അറസ്റ്റ് ചെയ്തു.

പ്രിവന്റീവ് ഓഫീസർ മണിയൻ ആചാരി, സിവിൽ എക്സൈസ് ഓഫീസർമാരായ ബിജു.കെ, ജിയേഷ്.ടി, മുഹമ്മദ് മുസ്തഫ.ടി, ശ്രീജിത്ത്.ആർ, ഡ്രൈവർ ബിജു.കെ.പി എന്നിവർ റെയിഡിൽ പങ്കെടുത്തു.