ഹരിപ്പാട്: എരിയ്ക്കാവ് ജയഭാരത് ലൈബ്രറിയെ റഫറൻസ് ലൈബ്രറിയായി ഉയർത്തിയതിന്റെ ഉദ്ഘാടനം ജില്ലാ ലൈബ്രറി കൗൺസിൽ സെക്രട്ടറി ടി.തിലകരാജ് നിർവഹിച്ചു. ലൈബ്രറി പ്രസിഡന്റ് എം.സത്യപാലൻ അദ്ധ്യക്ഷനായി. താലൂക്ക് ലൈബ്രറി കൗൺസിൽ സെക്രട്ടറി സി.എൻ.എൻ.നമ്പി, ഗ്രാമ പഞ്ചായത്ത് മുൻ സ്റ്റാൻഡിംഗ് കമ്മിറ്റി ചെയർമാൻ ഡി.സുഗേഷ്, ലൈബ്രറി സെക്രട്ടറി ആർ.വിജയകുമാർ, വി.ദീപു എന്നിവർ സംസാരിച്ചു.