ഹരിപ്പാട്: എസ്.എൻ.ഡി.പി.യോഗം കാർത്തികപ്പള്ളി യൂണിയനിലെ കരുവാറ്റ വടക്ക് 2975-ാം നമ്പർ ശാഖയുടെ ആഭിമുഖ്യത്തിൽ നടപ്പിലാക്കുന്ന ഗുരു ചൈതന്യം പദ്ധതിയുടെ രണ്ടാം ഘട്ടം ഉദ്ഘാടനം യൂണിയൻ സെക്രട്ടറി അഡ്വ. ആർ. രാജേഷ് ചന്ദ്രൻ നിർവഹിച്ചു. ശാഖാ പ്രസിഡന്റ് എ.സുനിൽകുമാർ അദ്ധ്യക്ഷനായി. യൂണിയൻ കൗൺസിലർ ദിനു വാലുപറമ്പിൽ മുഖ്യ പ്രഭാഷണം നടത്തി. വനിതാ സംഘം യൂണിറ്റ് പ്രസിഡന്റ് സുലോചനാ സുകുമാരൻ, സെക്രട്ടറി അനിത സാംബൻ, ശാഖാ മാനേജിംഗ് കമ്മിറ്റി അംഗങ്ങളായ പി. രമേശൻ, ദേവദത്തൻ, സി.സജി, സംബശിവൻ എന്നിവർ സംസാരിച്ചു. ശാഖാ സെക്രട്ടറി കെ.സുകുമാരൻ സ്വാഗതവും, വൈസ് പ്രസിഡന്റ് പി. വി രമണൻ നന്ദിയും പറഞ്ഞു.