മാവേലിക്കര: പാലിൽ കൃതി​മം കാട്ടിയത് കണ്ടെത്തി സൊസൈറ്റി സെക്രട്ടറിയെ കർഷകൻ കൈയ്യേറ്റം ചെയ്യാൻ ശ്രമിച്ചതായും അസഭ്യം പറഞ്ഞതായും പരാതി​.

ഇയാൾ ഭരണ സമിതി അംഗങ്ങളെ ഭീഷണിപ്പെടുത്തിയതായും പരാതി. മാവേലിക്കര മിൽക്ക് സപ്ലൈസ് കോ ഓപ്പറേറ്റീവ് സൊസൈറ്റിയിലാണ് സംഭവം. സൊസൈറ്റിയുടെ ചെട്ടികുളങ്ങര തട്ടാരമ്പലം ബ്രാഞ്ചുകളിൽ പാൽ നൽകുന്ന ചെട്ടികുളങ്ങര കൈതവടക്ക് സ്വദേശിക്കെതിരെയാണ് പരാതി. പാലിൽ കൃത്രി​​മം കാട്ടുന്നുണ്ടെന്ന ഉപഭോക്താക്കളുടെ നിരന്തര പരാതിയെ തുടർന്ന് 17ന് കർഷകൻ നൽകിയ പാലി​ൽ ലാബ് അസിസ്റ്റന്റി​നെക്കൊണ്ട് നടത്തി​യ പരിശോധനയിൽ മധുരം കലർത്തിയതായി കണ്ടെത്തിയെന്ന് പരാതി​യി​ൽ പറയുന്നു. തുടർന്ന് ബോർഡ് യോഗം ചേർന്ന് കർഷകന്റെ പാൽ ഇനി ശേഖരിക്കേണ്ടെന്ന് തീരുമാനമെടുത്തു. 18ന് രാവിലെ ഇതുസംബന്ധിച്ച അറിയിപ്പ് നൽകാനായി സെക്രട്ടറി രഞ്ജി​ത നേരിട്ട് തട്ടാരമ്പലം ബ്രാഞ്ചിലെത്തി. എന്നാൽ ഈ സമയം ആളുകൾക്ക് മുന്നിൽവച്ച് ഇയാൾ അസഭ്യം പറയുകയും കൈയ്യേറ്റം ചെയ്യാൻ ശ്രമിക്കുകയുമായിരുന്നെന്ന് സെക്രട്ടറി​ മാവേലിക്കര സി.ഐയ്ക്ക് കൊടുത്ത പരാതിയിൽ പറയുന്നു.