ഹരിപ്പാട്: വൃക്ക മാറ്റിവയ്ക്കൽ ശസ്ത്രക്രിയയ്ക്ക് വിധേയരാകുന്ന മൂന്ന് യുവാക്കൾക്ക് കൈത്താങ്ങാകാൻ വീയപുരം പഞ്ചായത്ത് കൈകോർക്കുന്നു

വെള്ളംകുളങ്ങര കോഴാടത്തിൽ ഷാജിമോൻ ,കാരിച്ചാൽ ചൂരക്കാട് തുണ്ടിൽ ഉദയൻ, പായിപ്പാട് പ്രയാറ്റേരിൽ രമണൻ എന്നിവർക്കാണ് വൃക്കമാറ്റി​വയ്ക്കുന്നത്.

പ്രായപൂർത്തിയാകാത്ത കുഞ്ഞുങ്ങളും ഭാര്യയുമടങ്ങുന്നതാണ് ഷാജിമോന്റെറ കുടുംബം. അസുഖബാധിതയായ ഭാര്യയും കടബാദ്ധ്യതകളുമുണ്ട് രമണന്. പ്രായാധിക്യം മൂലം അവശതയനുഭവിക്കുന്ന വൃദ്ധ മാതാവിനെ സംരക്ഷിക്കേണ്ട ഏക മക കനാണ് അവിവാഹിതനും വൃക്കരോഗിയുമായ ഉദയൻ. വീയപുരം ഗ്രാമപഞ്ചായത്തിലെ 13 വാർഡുകളിലെ എല്ലാ വീടുകളിലും ഞായറാഴ്ച്ച രാവിലെ 8 മുതൽ ജീവൻ രക്ഷാസമിതിയുടെ നേതൃത്വത്തിൽ ധനസമാഹരണം നടത്തുന്നു.3 പേർക്കുമായി​ 75 ലക്ഷം രൂപയാണ് ചികിത്സാ ചെലവ്. വീയപുരം ഗ്രാമ പഞ്ചായത്തിന്റെയും ജീവൻ രക്ഷാസമിതിയുടെയും പേരിൽ കാനറാബാങ്ക് വീയപുരം ശാഖയിൽ അക്കൗണ്ട് തുറന്നിട്ടുണ്ട്. A/c No:1100332 10780, lFSC Code:CNRB0005841. വാർത്താ സമ്മേളത്തിൽ വീയപുരംഗ്രാമപഞ്ചായത്ത് പ്രസിഡന്റ് ഷീജസുരേന്ദ്രൻ ,വൈസ്പ്രസിഡന്റ് പി.എഷാനവാസ്, സൈമൺ​ എബ്രഹാം, കെ.എസ് ശ്രീകുമാർ, ഷാജഹാൻ വിസ്മയ, പി.ഡി.ശ്യാമള,ആർ.ആർ.ടി.ഷിജുതോമസ് എന്നിവർ പങ്കെടുത്തു.