ഹരിപ്പാട്: വാട്ടർ അതോറിറ്റി ഗാർഹിക കണക്ഷൻ എടുത്തവരുടെ പ്രശ്നങ്ങൾ പരി​ഹരി​ക്കാൻ ഹരിപ്പാട് സബ് ഡിവിഷൻ കേന്ദ്രീകരിച്ച് വാട്ടർ അതോറിട്ടി​യുടെ അദാലത്ത് നടത്തണമെന്ന് രമേശ് ചെന്നിത്തല. ഇതുമായി​ ബന്ധപ്പെട്ട് ജലവി​ഭവ വകുപ്പ് മന്ത്രി​ക്ക് കത്ത് നൽകി​യതായി​ ചെന്നി​ത്തല അറി​യി​ച്ചു.

നിയോജക മണ്ഡലത്തിലെ ഭൂരിഭാഗം പഞ്ചായത്തുകളിലെയും ഗാർഹിക കണക്ഷൻ എടുത്തവർക്ക് ഉപഭോഗത്തിലും കൂടുതലായ ബിൽ തുകയാണ് അടക്കേണ്ടി വരുന്നത്. തീരപ്രദേശമായ തൃക്കുന്നപ്പുഴ ആറാട്ടുപുഴ പഞ്ചായത്തുകളിലാണ് ഈ പ്രതിസന്ധി രൂക്ഷമായിട്ടുളളത്. ഉപ്പ് വെളളം കയറി മീറ്ററിന് കേടു സംഭവിക്കുന്നതാണ് ഉയർന്ന ബിൽ വർദ്ധനവിന് കാരണമെന്നും ഈ സാഹചര്യത്തി​ലാണ് പ്രശ്നം ഉന്നയി​ക്കുന്നതെന്നും ചെന്നിത്തല അറിയിച്ചു