ചേർത്തല: ബോളിവുഡ് സിനിമയുടെ ഭാഗമായ ഹൗതേ മോണ്ടെ മിസിസ് ലോക സൗന്ദര്യ മത്സരത്തിന്റെ ഫൈനലിലേക്ക് ചേർത്തലയുടെ ഷെറിൻ മുഹമ്മദ് ഷിബിൻ തിരഞ്ഞെടുക്കപ്പെട്ടു
കാനഡ സൗന്ദര്യ മത്സരത്തിൽ ഫൈനലിൽ എത്തിയ ഷെറിൻ മുഹമ്മദ് ഷിബിനെ ബോളിവുഡ് സിനിമയുടെ ഭാഗമായി നടത്തുന്ന വിവാഹിതരുടെ ലോക സൗന്ദര്യ മത്സരത്തിലേക്കാണ് ജൂറി തിരഞ്ഞെടുത്തത്.മേയ് മാസത്തിൽ ദുബായിൽ വെച്ചാണ് മത്സരം നടക്കുക. കാനഡയുടെ സൗന്ദര്യ മത്സരത്തിൽ ഷെറിൻ ഫൈനലിൽ എത്തിയിരുന്നു. കാനഡയിലെ ടോറൊന്റോ സർവകലാശാലയിൽ ലാബ് മാനേജരാണ്, ബയോ ടെക്‌നോളജിയിൽ എംടെക്, ഹോസ്പിറ്റൽ അഡ്മിനിസ്‌ട്രേഷനിൽ എം.ബി. എ.യും ഉള്ള ഷെറിൻ. ഭർത്താവ് ആലപ്പുഴ തിരുവമ്പാടി സ്വദേശി മുഹമ്മദ് ഷിബിൻ ഫ്രഞ്ച് മരുന്ന് കമ്പനി സിനോഫിയുടെ അസിസ്റ്റന്റ് മാനേജരാണ്.മക്കൾ:അലയ്‌ന,സുഹാന.
ചേർത്തല മുനിസിപ്പൽ നാലാം വാർഡിൽ പൊതു പ്രവർത്തകനും കോൺഗ്രസ് ബ്ലോക്ക് സെക്രട്ടറിയും മുൻ റോട്ടറി അസിസ്റ്റന്റ് ഗവർണറുമായ അബ്ദുൽ ബഷീറിന്റെയും മുൻ നഴ്‌സിംഗ് ഓഫീസർ സൂസന്ന ബഷീറിന്റെയും മൂത്ത മകളാണ് ഷെറിൻ. സഹോദരന്മാരായ ഡോക്ടർ ഫൈസൽ കാനഡയിലും ഷെബിൻ അബുദാബിയിൽ സേ്റ്റഫി എൻജിനീയറായും ജോലി ചെയ്യുന്നു.