വള്ളികുന്നം : പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയ പ്രതി പിടിയിലായി​. കൊല്ലം കുണ്ടറ മുളവന മുകുളുവിള വീട്ടിൽ കണ്ണൻ എന്ന് വിളിക്കുന്ന പ്രവീൺ ശങ്കറി( 29) നെയാണ് പൊലീസ് പിടികൂടിയത്. പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ചു എന്നാണ് കേസ്.

കഴിഞ്ഞ 22 ന് വീട്ടിൽ നിന്ന് പെൺകുട്ടിയെ പ്രവീൺ കടത്തികൊണ്ടുപോവുകയായിരുന്നു. കുണ്ടറയിൽ നിന്നാണ് പ്രതിയെ പിടികൂടിയത്. വള്ളികുന്നം സി.ഐ. എം.എം ഇഗ്നേഷ്യസ് , എസ്.ഐ ജി. ഗോപകുമാർ, സി.പി.ഒമാരായ ജിഷ്ണു, സൗമ്യ, രജനി, ലാൽ , സജൻ തുടങ്ങിയവരുടെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത് . കോടതിയിൽ ഹാജരാക്കി റിമാൻഡ് ചെയ്തു.