ചേർത്തല: ചേർത്തല വടക്കുംമുറി തൈക്കൽ പരിത്യംപള്ളിൽ നാഗക്കല്ലുങ്കൽ ദേവീക്ഷേത്രത്തിലെ ഭാഗവത സപ്താഹയജ്ഞവും അവിട്ടം മഹോത്സവവും ഇന്നു മുതൽ ഫെബ്രുവരി 2 വരെ നടക്കും. ഇന്ന് വൈകിട്ട് 7ന് ഭാഗവത സപ്തായജ്ഞത്തിന്റെ ദീപപ്രകാശനം നടക്കും. തുടർന്ന് പ്രഭാഷണം. 29ന് രാവിലെ 10ന് ഗോവിന്ദപട്ടാഭിഷേകം, 30ന് രുക്മിണി സ്വയംവരം, വൈകിട്ട് 5ന് സർവൈശ്വര്യ പൂജ, ഫെബ്രുവരി ഒന്നിന് രാവിലെ 6.30ന് മഹാഗണപതിഹോമം, 10ന് സ്വർഗാരോഹണം. 12.30ന്അവഭൃഥസ്നാനം, വൈകിട്ട് 7.30ന് താലപ്പൊലിവരവ്. 2ന് അവിട്ടം മഹോത്സവം, 7.30ന് കലശം, 8.30ന് ശ്രീബലി, വൈകിട്ട് 3.15ന് തിരുവാഭരണ എതിരേൽപ്പ്,4ന് പകൽപ്പുരം. ഏഴാംപൂജ 9ന് നടക്കും.