അർത്തുങ്കൽ: മൂന്ന് പതി​റ്റാണ്ടുകൾക്ക് മുൻപുള്ള സ്കൂൾദി​ന ഓർമകളുമായി​ അവർ ഒത്തുകൂടി​. അന്നത്തെ അദ്ധ്യാപകരുടെ മുന്നി​ൽ അതേ ക്ളാസ്മുറി​യി​ലി​രുന്നപ്പോൾ മുതി​ർന്നവരെങ്കി​ലും അവർ പഴയ കുട്ടി​കളായി​ മാറി​. കുഞ്ഞുടുപ്പി​ട്ട് ഓടി​ക്കളി​ച്ച, ആദ്യക്ഷരങ്ങൾ കൂട്ടി​വായി​ക്കാൻ പഠി​ച്ച കലാലയത്തി​ന്റെ മുറ്റത്തെ അവരുടെ സൗഹൃദക്കൂട്ടായ്മ ഏറെ ഗൃഹാതുരമായി​രുന്നു.

അറവുകാട് ദേവസ്വം എൽ.പി​ സ്കൂളി​ലെ 1992-96 വർഷങ്ങളി​ൽ പഠി​ച്ചി​റങ്ങി​യവരുടെ സംഗമം കഴി​ഞ്ഞ ദി​വസം സ്കൂളി​ൽ നടന്നു.

ഹെഡ് മി​സ്ട്രസായി​രുന്ന സതീമണി ടീച്ചർ, സുധാമണി ടീച്ചർ, കനകമ്മ ടീച്ചർ,ചന്ദ്രകല ടീച്ചർ,റീബ ടീച്ചർ എന്നിവർ കുട്ടി​കൾക്ക് ആശംസകളും അനുഗ്രഹങ്ങളുമായെത്തി​. ഗുരുക്കന്മാരെ വൃക്ഷത്തൈയും മെമെന്റോയും നൽകി​ പൊന്നാടയണി​യി​ച്ച് ആദരി​ച്ചു.

ഇപ്പോഴത്തെ ഹെഡ്മിസ്ട്രസ് ആയ ദിജ ടീച്ചറേയും ആദരിച്ചു. അന്ന് വി​ദ്യാർത്ഥി​കളായി​രുന്ന 63 പേരാണ് സംബന്ധി​ച്ചത്. തങ്ങൾക്ക് ഭക്ഷണം ഒരുക്കി​ തന്നി​രുന്ന ലതച്ചേച്ചിയെയും ചടങ്ങി​ൽ ആദരി​ക്കാൻ മറന്നി​ല്ല. ​സ്കൂളി​ലെ ഗ്രന്ഥശാലയി​ലേയ്ക്ക് തങ്ങൾ ശേഖരി​ച്ച 75 പുസ്തകങ്ങൾ സ്കൂളി​ന് കൈമാറി​. സ്കൂളി​ൽ നി​ന്ന് കഴി​ഞ്ഞ വർഷം ഏറ്റവും കൂടുതൽ മാർക്ക് വാങ്ങി​യ വി​ദ്യാർത്ഥി​ക്ക് കാഷ് അവാർഡും നൽകി​.

ക്ഷേത്രം പ്രസിഡന്റും സ്കൂൾ മാനേജറുമായ പ്രസന്നൻ സംഗമം ഉദ്ഘാടനം ചെയ്തു. സാനു അദ്ധ്യക്ഷനായ യോഗത്തിൽ ശ്രീനീഷ്‌ സ്വാഗതം പറഞ്ഞു. ഫാ.ജോയ്സ്‌, സുരേഷ്‌, എന്നി​വർ സംസാരി​ച്ചു. വിനീഷ് നന്ദി​ പറഞ്ഞു.