ആലപ്പുഴ: കൊവിഡ് ബാധിച്ച് ആശുപത്രികളിൽ പ്രവേശിക്കപ്പെടുന്നവരുടെ എണ്ണത്തിന്റെ അടിസ്ഥാനത്തിൽ ബി കാറ്റഗറിയിൽ ഉൾപ്പെട്ട ജില്ലയിൽ നിയന്ത്രണങ്ങൾ ഏർപ്പെടുത്തി കളക്ടർ എ. അലക്സാണ്ടർ ഉത്തരവിട്ടു. രാഷ്ട്രീയ, സാമൂഹ്യ, സാംസ്‌കാരിക, മത, സാമുദായിക പരിപാടികൾ, പൊതു പരിപാടികൾ എന്നിവ അനുവദിക്കില്ല. മതപരമായ ആരാധനകൾ ഓൺലൈനിൽ മാത്രം നടത്തണം. വിവാഹത്തിനും മരണാനന്തര ചടങ്ങുകൾക്കും പരമാവധി 20 ആളുകൾ മാത്രമേ പങ്കെടുക്കാൻ അനുവദിക്കൂ. നിയന്ത്രണങ്ങൾ കൃത്യമായി പാലിക്കപ്പെടുന്നുണ്ടെന്ന് ഉറപ്പാക്കുന്നതിന് ജില്ലാ പൊലീസ് മേധാവിയെയും താലൂക്ക് തല സ്‌ക്വാഡുകളെയും ചുമതലപ്പെടുത്തി.