ചേർത്തല:കഞ്ഞിക്കുഴിയിലെ കെ.കെ.കുമാരൻ പാലിയേ​റ്റീവ് കെയർ സൊസൈ​റ്റി സിൽക്കിന്റെ പതിനഞ്ചേക്കർ സ്ഥലത്ത് ഹരിതമിത്ര ശുഭ കേശന്റെ സഹായത്തോടെ നടത്തുന്ന സമ്മിശ്ര കൃഷിയിൽ വിളവെടുക്കുന്ന നാടൻ മത്സ്യങ്ങളുടെ വിളവെടുപ്പ് പി.പി.ചിത്തരഞ്ജൻ എം.എൽ.എ നിർവഹിച്ചു. ചെയർമാൻ എസ്.രാധാകൃഷ്ണൻ , ട്രഷറർ എം.സന്തോഷ് കുമാർ,മാരാരിക്കുളം വടക്ക് ഗ്രാമപഞ്ചായത്ത് വൈസ് പ്രസിഡന്റ് സി.സി. ഷിബു , ശുഭകേശൻ എന്നിവർ പങ്കെടുത്തു. പച്ചമീൻ പിടിച്ച് വിഭവങ്ങൾ തയ്യാറാക്കി നൽകുന്നതിന് പ്രത്യേക പദ്ധതിയാണ് സിൽക്കിൽ ഒരുക്കിയിരിക്കുന്നത്.
കുക്കുമ്പർ,പടവലം,തക്കാളി തുടങ്ങിയ വെജി​റ്റബിൾസ് ജ്യൂസുകളും മിതമായ നിരക്കിൽ ലഭ്യമാകും. കത്തുന്ന വേനൽച്ചൂടിലും കണ്ണിന് കുളിർമ നൽകുന്ന സൂര്യകാന്തിയും ചെണ്ടുമല്ലി പൂക്കളും പച്ചക്കറികളും നിറഞ്ഞ ഫാം ടൂറിസത്തിന്റെ ഭാഗമായി നിരവധി സന്ദർശകരാണ് സിൽക്കിൽ എത്തുന്നത്.