കിഴക്കമ്പലം: പി.ടി. തോമസ് എം.എൽ.എയുടെ സ്മൃതിയാത്രയ്ക്ക് കുന്നത്തുനാട്ടിൽ സ്വീകരണം നൽകി. ജില്ലാ കോൺഗ്രസ് കമ്മി​റ്റിയുടെ നേതൃത്വത്തിൽ എറണാകുളത്ത്നിന്ന് ചിതാഭസ്മവുമായി ഇടുക്കിയിലെ ഉപ്പുതോട്ടിലേക്കുള്ള യാത്രയ്ക്കാണ് വാഴക്കുളത്ത് സ്വീകരണം നൽകിയത്. കാലടി സർവകലാശാല മുൻ വൈസ്ചാൻസലർ എം.സി. ദിലീപ്കുമാർ ഉദ്ഘാടനം ചെയ്തു. ബ്ലോക്ക് കോൺഗ്രസ് കമ്മി​റ്റി പ്രസിഡന്റ് കെ.വി. എൽദോ അദ്ധ്യക്ഷനായി. ബെന്നി ബെഹനാൻ എം.പി, സി.പി. ജോയി, ടി.എച്ച്. അബ്ദുൾ ജബ്ബാർ, എം.പി. രാജൻ, നിബു കുര്യാക്കോസ്, വിവിധ കക്ഷിനേതാക്കളായ വി.എൻ. മോഹനൻ, ഹസൻകുട്ടി, വാസുദേവൻ, എം.എസ്. ഹമീദ് തുടങ്ങിയവർ സംസാരിച്ചു.