വൈപ്പിൻ: മുനമ്പം-മാല്യങ്കര പാലത്തിനടുത്ത് ജെട്ടിയിൽ അറ്റകുറ്റപ്പണി​ക്കായി​ കെട്ടിയിരുന്ന രണ്ട് മീൻപിടിത്ത ബോട്ടുകൾ കത്തിനശിച്ചു. ഇന്നലെ വൈകിട്ട് ആറരയോടെയാണ് സംഭവം. രണ്ട് ബോട്ടും മുനമ്പം സ്വദേശിയുടേതാണ്.
മിറാക്കിൾ ബോട്ടി​ലെ ജോലിക്കാരായ രണ്ട് അന്യസംസ്ഥാന തൊഴിലാളികൾ ഗ്യാസ് അടുപ്പിൽ ഭക്ഷണം പാകം ചെയ്യുന്നതിനിടെയാണ് തീ പടർന്നതെന്നാണ് സൂചന. ആർക്കും പരിക്കില്ല.
മാലിപ്പുറം, എറണാകുളം, പറവൂർ എന്നിവിടങ്ങളിൽ നിന്നെത്തിയ ഫയർഫോഴ്സ് തീ അണച്ചു.
സംഭവമറി​ഞ്ഞ് കെ.എൻ. ഉണ്ണിക്കൃഷ്ണൻ എം.എൽ.എ സ്ഥലത്തെത്തി രക്ഷാപ്രവർത്തനത്തിന് നേതൃത്വം നൽകി. ഇത്തരം സന്ദർഭങ്ങളിൽ രക്ഷാപ്രവർത്തനത്തിന് സുസജ്ജമായ മറൈൻ ആംബുലൻസ് അത്യാവശ്യമാണെന്ന് എം.എൽ.എ പറഞ്ഞു. ഇക്കാര്യം നിയമസഭയിൽ ഉന്നയിച്ചിരുന്നതാണ്.