കൊച്ചി: കഠിന പ്രയത്നത്തിലൂടെയും നിസ്വാർത്ഥമായ സേവനങ്ങളിലൂടെയും ആഗോള തൊഴിൽമേഖലയിൽ മികച്ചൊരു മാതൃകയും വഴികാട്ടിയുമാണ് ലുലു ഗ്രൂപ്പ് ചെയർമാൻ എം.എ. യൂസഫലി എന്ന് ഉപരാഷ്ട്രപതി എം. വെങ്കയ്യ നായിഡു പറഞ്ഞു. അർപ്പണ മനോഭാവത്തോടെ സേവനങ്ങൾ ചെയ്യുന്ന കേരളത്തിന്റെ തൊഴിൽ സംസ്‌കാരത്തെ അദ്ദേഹം അഭിനന്ദിച്ചു. നിസ്വാർത്ഥമായ സേവനത്തിലൂടെ ഉയരങ്ങൾ കീഴടക്കാം എന്നു തെളിയിച്ച നിരവധി പേരുള്ള നാടാണ് കേരളം, അതിൽ തിളങ്ങുന്ന ഉദാഹരണമാണ് എം.എ. യൂസഫലിയെന്ന് അദ്ദേഹം പറഞ്ഞു.
ഇൻസ്റ്റിറ്റിറ്റ്യൂട്ട് ഒഫ് ചാർട്ടേഡ് അക്കൗണ്ടൻസ് ഒഫ് ഇന്ത്യയുടെ എറണാകുളത്തെ മന്ദിരത്തിന്റെ തറക്കല്ലിടൽ ചടങ്ങിൽ സംസാരിക്കുകയായിരുന്നു ഉപരാഷ്ട്രപതി.