പെരുമ്പാവൂർ: പെരുമ്പാവൂർ അസംബ്ലി നിയോജക മണ്ഡലത്തിൽ ബെന്നി ബഹനാൻ എം.പി നിർദ്ദേശിച്ച 18.06 കോടി രൂപയുടെ അഞ്ചു റോഡുകളുടെ നിർമ്മാണോദ്ഘാടനം വെള്ളിയാഴ്ച നടക്കും. പ്രധാനമന്ത്രി ഗ്രാമീൺ സഡക് യോജന പദ്ധതി പ്രകാരം രായമംഗലം പഞ്ചായത്തിലെ കുറുപ്പുംപടി കുറിച്ചിലക്കോട് റോഡിലെ പമ്പിന്റെ വശത്തുകൂടെയുള്ള റോഡിന് 2.27 കോടി രൂപയും വേങ്ങൂർ അശമന്നൂർ പഞ്ചായത്തുകളിലായുള്ള വെട്ടുവളവ് - വേങ്ങൂർ- പുന്നയം റോഡിന് 4.16 കോടി രൂപയും രായമംഗലം അശമന്നൂർ പഞ്ചായത്തുകളിൽ സ്ഥിതിചെയ്യുന്ന മരോട്ടിക്കടവ് ത്രിവേണി പറമ്പിൽപീടിക അംബേദ്കർ കനാൽറോഡിന് 3.24 കോടി രൂപയും വെങ്ങോല പഞ്ചായത്തിലെ കുമ്മനോട് ജയഭാരത് ഒറ്റത്താനി പെരുമാനി റോഡിന് 3.4 കോടി രൂപയും മഴുവന്നൂർ വെങ്ങോല പഞ്ചായത്തുകളിൽ സ്ഥിതിചെയ്യുന്ന റബ്ബർ പാർക്ക് - മേപ്രത്തുപ്പടി - മാങ്കുഴി റോഡിന് 4.99 കോടി രൂപയുമാണ് ചെലവഴിക്കപ്പെടുകയെന്ന് അഡ്വ. എൽദോസ് കുന്നപ്പിള്ളിൽ എം.എൽ.എ അറിയിച്ചു.