കൊച്ചി: ജില്ലയിൽ ഇന്നലെ 641 പേർക്ക് കൂടി കൊവിഡ് സ്ഥിരീകരിച്ചു. 634 പേർക്ക് സമ്പർക്കം വഴിയാണ് രോഗം. 538 പേർ രോഗമുക്തി നേടി. 6.58 ആണ് ടെസ്റ്റ് പോസിറ്റിവിറ്റി നിരക്ക്. 630 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. ജില്ലയിൽ കൊവിഡ് ബാധിച്ച് ചികിത്സയിൽ കഴിയുന്നവരുടെ എണ്ണം 9087 ആണ്. 14831 ഡോസ് വാക്‌സിനാണ് വിതരണം ചെയ്തത്. ഇതിൽ 6003 ആദ്യ ഡോസും 8828 സെക്കൻഡ് ഡോസുമാണ്. കോവിഷീൽഡ് 9425 ഡോസും 5391 ഡോസ് കോവാക്‌സിനും 15 ഡോസ് സ്പുട്‌നിക് വാക്‌സിനുമാണ് വിതരണം ചെയ്തത്. ഇതുവരെ 5488842 ഡോസ് വാക്‌സിനാണ് നൽകിയത്.