കുറുപ്പംപടി: തുരുത്തി ഹോമിയോ ആശുപത്രിയുടെ പണിതീർത്ത ഹാളിന്റെ ഉദ്ഘാടനം എൽദോസ് കുന്നപ്പിള്ളി എം.എൽ.എ നിർവ്വഹിച്ചു. പഞ്ചായത്ത് പ്രസിഡന്റ് പി.പി. അവറാച്ചൻ അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് ബേസിൽ പോൾ, ജില്ലാ പഞ്ചായത്ത് അംഗങ്ങളായ മനോജ് മൂത്തേടൻ, ഷൈമി വർഗീസ്, വൈസ് പ്രസിഡന്റ് റോഷ്നി എൽദോ, ബ്ലോക്ക് പഞ്ചായത്ത് അംഗങ്ങളായ എ.ടി. അജിത്കുമാർ, ഷോജ റോയി, സ്റ്റാൻഡിംഗ് കമ്മിറ്റി ചെയർമാൻമാരായ ജോസ് എ.പോൾ, കെ.ജെ. മാത്യു, വത്സ വേലായുധൻ, വിപിൻ, അനാമിക ശിവൻ, നിഷ സന്ദീപ്, ഡോളി ബാബു, രജിത, ഡോ. ലീന റാണി, ഡോ. സ്മിത മോഹൻ, കെ. അജിത്കുമാർ, ടി.കെ. രാജപ്പൻ, പോൾ കെ. പോൾ എന്നിവർ പ്രസംഗിച്ചു.