മൂവാറ്രുപുഴ: എസ്.എൻ.ഡി.പി യോഗം മൂവാറ്റുപുഴ യൂണിയന്റെ നേതൃത്വത്തിലുള്ള വിവാഹപൂർവ്വ കൗൺസലിംഗ് ക്ലാസിന്റെ 61-ാമത് ബാച്ച് 8,9 തീയതികളിൽ എസ്.എൻ. ബിഎഡ് കോളേജ് ഓഡിറ്റോറിയത്തിൽ നടക്കും. 8ന് രാവിലെ 9.30ന് യൂണിയൻ പ്രസിഡന്റ് വി.കെ. നാരായണൻ ഉദ്ഘാടനം ചെയ്യും. വെെസ് പ്രസിഡന്റ് പി.എൻ. പ്രഭ അദ്ധ്യക്ഷത വഹിക്കും. യൂണിയൻ സെക്രട്ടറി അഡ്വ. എ.കെ. അനിൽകുമാർ, യോഗം ഡയറക്ടർ ബോർഡ് മെമ്പർമാരായ അഡ്വ.എൻ. രമേശ്, പ്രമോദ് കെ. തമ്പാൻ, യൂണിയൻ കൗൺസിലർമാരായ എം.ആർ. നാരായണൻ, പി.ആർ. രാജു, ടി.വി. മോഹനൻ, അനിൽ കാവുംചിറ, യൂണിയൻ പഞ്ചായത്ത് കമ്മറ്റി അംഗങ്ങളായ എം.എസ്. വിൽസൻ, ശ്രീനിവാസൻ, യൂണിയൻ വനിതാസംഘം പ്രസിഡന്റ് നിർമ്മല ചന്ദ്രൻ, സെക്രട്ടറി ഇൻ ചാർജ്ജ് ഭാനുമതി ഗോപിനാഥ്, യൂത്ത് മൂവ്മെന്റ് പ്രസിഡന്റ് എം.ആർ. സിനോജ്, സെക്രട്ടറി ശ്രീജിത് പി.എസ് എന്നിവർ സംസാരിക്കും.

കുടുംബഭദ്രത എന്ന വിഷയത്തിൽ അനീഷ് പി. ചിറക്കൽ ക്ലാസെടുക്കും. സ്ത്രീപുരുഷ മന:ശാസ്ത്രം എന്നവിഷയത്തിൽ ഉച്ചയ്ക്ക് 2ന് വി.എം. ശശി കോട്ടയം ക്ലാസെടുക്കും. 9ന് രാവിലെ 10ന് ശ്രീനാരായണ ധർമ്മം കുടുംബജീവിതത്തിൽ എന്ന വിഷയത്തിൽ ബിജു പുളിക്കലേടത്ത് ക്ലാസെടുക്കും. വൈകിട്ട് 3ന് ഗൈനക്കോളജിസ്റ്റ് ഡോ. പ്രിൻസ് സ്ലീബ ക്ലാസെടുക്കും. വെെകിട്ട് 4ന് നടക്കുന്ന സമാപന സമ്മേളനത്തിൽ യൂണിയൻ പ്രസിഡന്റ് വി.കെ. നാരായണൻ അദ്ധ്യക്ഷത വഹിക്കും. സെക്രട്ടറിഅഡ്വ. എ.കെ. അനിൽകുമാർ, വനിതാസംഘം പ്രസിഡന്റ് നിർമ്മലചന്ദ്രൻ എന്നിവർ സംസാരിക്കും. തുടർന്ന് സർട്ടിഫിക്കറ്റ് വിതരണം ചെയ്യും.