ആലുവ: കേരള ഇലക്ട്രിസിറ്റി വർക്കേഴ്‌സ് ഫെഡറേഷൻ (എ.ഐ.ടി.യു.സി) ആലുവ ഡിവിഷൻ കമ്മിറ്റി തൊഴിലാളി മുന്നേറ്റജാഥ സംഘടിപ്പിച്ചു. ഫെഡറേഷൻ സംസ്ഥാന ട്രഷറർ ജേക്കബ് ലാസർ ഉദ്ഘാടനം ചെയ്തു. സമാപന സമ്മേളനം സംസ്ഥാന വൈസ് പ്രസിഡന്റ് കെ.സി. മണി ഉദ്ഘാടനം ചെയ്തു. വിവിധ കേന്ദ്രങ്ങളിൽ ജാഥാ ക്യാപ്ടൻ വി.ജെ. ഷിജി, എ.ഐ.ടി.യു.സി സംസ്ഥാന കൗൺസിൽ അംഗം പി. നവകുമാർ, ഫെഡറേഷൻ ജില്ലാ പ്രസിഡന്റ് റോയ് പോൾ, എൻ.പി. സാബു, എം. ജോസ് ജോസഫ്, എൽദോ പോൾ തുടങ്ങിയവർ പ്രസംഗിച്ചു. പ്രമോഷനുകൾ നൽകുക, പങ്കാളിത്ത പെൻഷൻ പദ്ധതി പിൻവലിക്കുക, പെൻഷൻ പ്രായം വർദ്ധിപ്പിക്കുക, കരാർ വ്യവസ്ഥകൾ പാലിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു ജാഥ.