പട്ടിമറ്റം: വലമ്പൂർ, കോലാംകുടി നവധാര വായനശാലയുടെ ആഭിമുഖ്യത്തിൽ ഗ്രാമീണോത്സവ് 2022ന്റെ ഭാഗമായി സംസ്കാരി​ക സമ്മേളനവും മെഗാനൈറ്റും ഇന്ന് നടക്കും. വൈകിട്ട് 7 ന് അഡ്വ.പി.വി. ശ്രീനിജിൻ എം.എൽ.എ ഉദ്ഘാടനം ചെയ്യും. പ്രസിഡന്റ് വി.എം. ഷിഹാബ് അദ്ധ്യക്ഷനാകും. വടവുകോട് ബ്ളോക്ക്പഞ്ചായത്ത് പ്രസിഡന്റ് വി.ആർ. അശോകൻ, കുന്നത്തുനാട് പഞ്ചായത്ത് പ്രസിഡന്റ് എം.വി. നിതമോൾ, താലൂക്ക് ലൈബ്രറി കൗൺസിൽ പ്രസിഡന്റ് സാജുപോൾ, സെക്രട്ടറി പി.ജി. സജീവ്, എം.ജി. രാമചന്ദ്രൻ, പി.എൻ. സുരേഷ്ബാബു, എം.പി. ജോസഫ്, എം.പി. അപ്പു, ജയൻ കുമ്മനോട്, പ്രിൻസി വിനോദ്, പ്രശാന്ത് നവധാര തുടങ്ങിയവർ സംസാരിക്കും. തുടർന്ന് മെഗെനൈറ്റ്.