കുറുപ്പംപടി: രായമംഗലം ഗ്രാമ പഞ്ചായത്ത് കുടുംബാരോഗ്യകേന്ദ്രത്തിന്റെ ആഭിമുഖ്യത്തിൽ 15 വയസ് മുതൽ 17 വയസുവരെ പ്രായമുള്ള കുട്ടികൾക്കുള്ള വാക്സിനേഷൻ ആരംഭിച്ചു. ജനുവരി 30ന് മുമ്പ് കുട്ടികളിലെ വാക്സിനേഷൻ പൂർത്തീകരിക്കണമെന്ന ഉദ്ദേശത്തോടെ പഞ്ചായത്തിലെ എല്ലാ സ്കൂളുകളിലെയും പ്രധാനാദ്ധ്യാപകരുടെ യോഗം വിളിച്ചു കൂട്ടി തയ്യാറാക്കിയ പട്ടിക അനുസരിച്ചാണ് കുട്ടികൾക്ക് വാക്സിൻ നൽകുന്നത്. വാക്സിനേഷന്റെ വിതരണോദ്ഘാടനം ഗ്രാമപഞ്ചായത്ത് പ്രസിഡന്റ് എൻ.പി. അജയകുമാർ നിർവ്വഹിച്ചു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ബിജി പ്രകാശ് അദ്ധ്യക്ഷയായി. ഡോ. ഈപ്പൻ മാത്യു, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ സ്മിത അനിൽകുമാർ, മിനി നാരായണൻ കുട്ടി, ഹെൽത്ത് ഇൻസ്പെക്ടർ സുനിത തോമസ്, റെജിമോൾ എന്നിവർ പങ്കെടുത്തു.