മൂവാറ്റുപുഴ: എസ്.എൻ.ഡി.പി.യോഗം രണ്ടാർ ശാഖ മണിയംകുളം ജംഗ്ഷനിൽ നിർമ്മിച്ച ശാഖാമന്ദിരത്തിന്റെ ഉദ്ഘാടനം എസ്.എൻ.ഡി.പി. യോഗം മൂവാറ്റുപുഴ യൂണിയൻ പ്രസിഡന്റ് വി.കെ. നാരായണൻ നിർവ്വഹിച്ചു. ചടങ്ങിൽ ശാഖാപ്രസിഡന്റ്‌ വി.കെ. സതീശൻ അദ്ധ്യക്ഷത വഹിച്ചു. യോഗത്തിൽ രാജൻ നരിമറ്റം സ്വാഗതം പറഞ്ഞു. പ്രാർത്ഥനാഹാളിന്റെ ഉദ്ഘാടനം യൂണിയൻ സെക്രട്ടറി ഇൻ ചാർജ്ജ് അഡ്വ. എ.കെ. അനിൽകുമാറും വയൽവാരം ലൈബ്രറി ഹാളിന്റെ ഉദ്ഘാടനം യോഗം ഡയറക്ടർ ബോർഡ് മെമ്പർ പ്രമോ കെ.തമ്പാനും നി‌വ്വഹിച്ചു. ഗുരുദേവ ഛായാചിത്രത്തിന്റെ അനാച്ഛാദനം ആവോലി പഞ്ചായത്ത് മെമ്പർ ശ്രീനി വേണു നിർവ്വഹിച്ചു. മുൻ പ്രസിഡന്റുമാരായ എം.എം. ബാലകൃഷ്ണൻ മാടവന, മോഹനൻ കളമ്പാട്ട് എന്നിവരെയും ബിൽഡിംഗ്‌ കോൺട്രാക്ടർ അലി തോട്ടത്തിക്കുടിയെയും യോഗം ഡയറക്ടർ ബോർഡ് മെമ്പർ എൻ.രമേശ് ആദരിച്ചു. മങ്ങാട്ട് മഹൽജുമാ അത്ത് ചീഫ് ഇമാം അബ്ദുൾ അസീസ് അഹ്‌സനി, കീപ്പനശ്ശേരിയിൽ യോഗം കൗൺസിലർമാരായ പി.ആർ. രാജു നാരായണൻ, ടി.വി. മോഹനൻ, കെ.പി.അനിൽ കാവുംചിറ, ബാഹുലേയൻ മങ്ങാട്ട് എന്നിവർ സംസാരിച്ചു. മാനേജിംഗ് കമ്മിറ്റി അംഗം അപ്പു കക്കാടംകുളം നന്ദി പറഞ്ഞു. വൈകിട്ട് ബിജു പുളിക്കലേടത്തിന്റെ പ്രഭാഷണം, വിവിധ കലാപരിപാടികൾ, കലാസന്ധ്യ എന്നിവ നടന്നു.