ആലുവ: കീഴ്മാട് ഗ്രാമപഞ്ചായത്തിന്റെ വിലക്ക് ലംഘിച്ച് ജനവാസമേഖലയിൽ എടയപ്പുറം മന്ത്യേപ്പാറയിൽ പ്രവർത്തിക്കുന്ന വിവാദ കാർബൺ കമ്പനി പരിശോധിക്കുന്നത് മനപ്പൂർവ്വം വൈകിപ്പിക്കുകയാണെന്ന് ആരോപിച്ച് കടവന്ത്രയിലെ പൊല്യൂഷൻ കൺട്രോൾ ബോർഡ് ചീഫ് എൻജിനിയറെ ജനകീയ സമരസമിതിയുടെ നേതൃത്വത്തിൽ ഉപരോധിച്ചു. മൂന്ന് ദിവസത്തിനകം പരിശോധന നോട്ടീസ് അയക്കാമെന്ന് ഉറപ്പ് നൽകിയതിനെത്തുടർന്നാണ് ഉപരോധം അവസാനിപ്പിച്ചത്. സമരസമിതി പ്രസിഡന്റ് സി.എസ്. അജിതൻ, സെക്രട്ടറി എം.എം. അബ്ദുൾ അസീസ്, കാജാ മൂസ, പി.എ. സിദ്ധിക്ക്, സി.പി. ഉണ്ണി, സി.എസ്. രമേശ്, ബാലൻ ചാറ്റുപാടത്ത്, മോഹനക്കുറുപ്പ് എന്നിവർ നേതൃത്വം നൽകി.