മൂവാറ്റുപുഴ: കേന്ദ്ര സർക്കാരിന്റെ കേരളത്തോടുള്ള അവഗണനയ്ക്കും ജന വിരുദ്ധ നയങ്ങൾക്കുമെതിരെ സി.പി.ഐ സംസ്ഥാന വ്യാപകമായി നടത്തുന്ന പ്രക്ഷോഭത്തിന്റെ ഭാഗമായുള്ള മൂവാറ്റുപുഴ മണ്ഡലം സമര പ്രചരണ ജാഥയ്ക്ക് തുടക്കമായി. മണ്ഡലം സെക്രട്ടറി ടി.എം. ഹാരീസ് ക്യാപ്റ്റനും, മണ്ഡലം അസിസ്റ്റന്റ് സെക്രട്ടറി ജോളി പൊട്ടയ്ക്കൽ വൈസ് ക്യാപ്റ്റനും ജില്ലാ കമ്മിറ്റി അംഗം പി.കെ. ബാബുരാജ് ഡയറക്ടറുമായ ജാഥയുടെ ഉദ്ഘാടനം പാലക്കുഴയിൽ സംസ്ഥാന കൗൺസിൽ അംഗം കമല സദാനന്ദൻ ജാഥ ക്യാപ്റ്റന് പതാക കൈമാറി ഉദ്ഘാടനം ചെയ്തു. വി.എം. തമ്പി അദ്ധ്യക്ഷത വഹിച്ചു. പി.കെ. ബാബുരാജ്, ജോളി പൊട്ടയ്ക്കൽ , കെ.എ. നവാസ്, വിൻസൺ ജല്ലിക്കൽ, സീന ബോസ്, എൻ.കെ. ഗോപി, പോൾ പൂമറ്റം, പി.വി. ജോയി, എം.വി. സുഭാഷ് എന്നിവർ സംസാരിച്ചു. ജാഥ വിവിധ സ്ഥലങ്ങളിൽ പര്യടനം നടത്തി വൈകിട്ട് ആറിന് വാഴക്കുളം ടൗണിൽ സമാപിച്ചു. സമാപന സമ്മേളനം ജില്ലാ അസിസ്റ്റന്റ് സെക്രട്ടറി കെ.എൻ. സംഗതൻ ഉദ്ഘാടനം ചെയ്തു.