പെരുമ്പാവൂർ : ഗവ. മുടിക്കൽ ഹയർ സെക്കണ്ടറി സ്‌കൂളിൽ ജില്ലാ പഞ്ചായത്ത് ഒരുക്കുന്ന വിദ്യാർത്ഥിനികൾക്കുള്ള വിശ്രമകേന്ദ്രം നിർമ്മാണോദ്ഘാടനം ജില്ലാ പഞ്ചായത്ത് മെമ്പർ സനിത റഹിം നിർവ്വഹിച്ചു. വാഴക്കുളം പഞ്ചായത്ത് ആരോഗ്യ വിദ്യാഭ്യാസ സ്റ്റാറ്റിംഗ് കമ്മിറ്റി ചെയർമാൻ സി.പി സുബൈറുദ്ദീൻ ചെന്താര അദ്ധ്യക്ഷത വഹിച്ചു. എം.എ മുഹമ്മദ് കുഞ്ഞാമി, നിസാർ കടവിൽ, ഷുക്കൂർ പാലത്തിങ്കൽ, ബഷീർ കുടിലുങ്ങൽ, സലിംപുത്തുക്കാടൻ, അനീഷ് മുഹമ്മദ്, നിഷാദ്, പി.റ്റി.എ പ്രസിഡന്റ് ഷംല ഷംസുദ്ദീൻ, പ്രിൻസിപ്പൽ ഇൻചാർജ് ബൈജു, എച്ച്.എം മിനി പി. ജേക്കബ് എന്നിവർ പങ്കെടുത്തു. ജില്ലാ പഞ്ചായത്ത് 10 ലക്ഷം രൂപ ചെലവഴിച്ചാണ് വിദ്യാർത്ഥിനികൾക്കുള്ള വിശ്രമകേന്ദ്രം നിർമ്മിക്കുന്നത്