പെരുമ്പാവൂർ: ജനത കൾച്ചറൽ സെന്റർ പെരുമ്പാവൂരിൽ സംഘടിപ്പിച്ച പ്രതിഭാസംഗമം പി.വി. ശ്രീനിജിൻ എം.എൽ.എ ഉദ്ഘാടനം ചെയ്തു. ജില്ലാ പ്രസിഡന്റ് ടി.എസ്. അമ്പി അദ്ധ്യക്ഷത വഹിച്ചു. സിനിമാതാരങ്ങളായ കലാഭവൻ നവാസ്, മനോജ് ഗിന്നസ് എന്നിവർ പുരസ്‌കാരങ്ങൾ വിതരണം ചെയ്തു. എൽ.ജെ.ഡി ജില്ലാ പ്രസിഡന്റ് ജെയ്സൺ പാനികുളങ്ങര, റഹിം വല്ലം, എ.സി. പാപ്പുക്കുഞ്ഞ്, സി.എം. മുഹമ്മദ്, ഗ്രേഷ്യ അരുൺ, അനീഷ്‌കുമാർ കോടനാട്, ധന്യ പ്രശാന്ത് എന്നിവർ സംസാരിച്ചു.