തൃക്കാക്കര: ആർ.ടി.ഒ ഓഫീസിലെ ജീവനക്കാർക്ക് കൊവിഡ് ബാധിച്ചതിനെത്തുടർന്ന് ഓഫീസ് പ്രവർത്തനങ്ങളിൽ നിയന്ത്രണങ്ങൾ ഏർപ്പെടുത്തി. എം.വി.ഐമാരായ ബിജുമോൻ,ജിനു ജോൺ.ജോ.ആർ.ടി .ഓ കെ.കെ രാജീവ്,ജൂനിയർ സൂപ്രണ്ട് അർച്ചന എന്നവർക്കാണ് കൊവിഡ് ബാധിച്ചത്.ഇതോടെയാണ് ഓഫീസിന്റെ പ്രവർത്തനങ്ങളിൽ കടുത്ത നിയന്ത്രണം ഏർപ്പെടുത്തിയത്. ജോയിന്റ് ആർ.ടി.ഒ ക്വാറന്റീനിൽ ആയതിനാൽ രജിസ്ട്രേഷൻ, പെർമിറ്റ് സംബന്ധമായ കൂടിക്കാഴ്ചകൾ ജനുവരി 29 വരെ നടക്കുന്നതല്ല. എംവിഐ മാരുടെ ലഭ്യത കുറവ് കാരണം ഡ്രൈവിംഗ് ടെസ്റ്റുകൾ 29 വരെ നിർത്തിവച്ചു.ട്രാൻസ്പോർട്ട് വാഹനങ്ങളുടെ ഫിറ്റ്നസ് പരിശോധന 27 മുതൽ ലഭ്യമാകും. അന്യ സംസ്ഥാന വാഹനങ്ങളുടെ സേവനങ്ങൾ, വാഹനങ്ങളുടെ രജിസ്ട്രേഷൻ പുതുക്കൽ തുടങ്ങിയ സേവനങ്ങൾ എന്നിവ ജനുവരി 31 ന് പുനരാരംഭിക്കും. മറ്റെല്ലാ കൂടിക്കാഴ്ചകളും ജനുവരി 29 വരെ നിർത്തി. ഇന്റർ നാഷണൽ ലൈസൻസുകളുടെ അപേക്ഷ ഓൺലൈനായി ലഭിക്കുന്ന മുറക്ക് സേവനങ്ങൾ പൂർത്തീകരിച്ച് സ്പീഡ് പോസ്റ്റ് വഴി അയച്ച് നൽകുന്നതാണ്. ഓൺലൈൻ സേവനങ്ങൾ തുടരും.