മൂവാറ്റുപുഴ: കുഞ്ചൻനമ്പ്യാർ സ്മാരകസമിതി ഏർപ്പെടുത്തിയ പഠനകൃതിക്കുള്ള അവാർഡ് നേടിയ മൂവാറ്റുപുഴയുടെ ചരിത്രകാരൻ മോഹൻദാസ് സൂര്യനാരായണനെ സി.പി.എം മൂവാറ്റുപുഴ വെള്ളൂർക്കുന്നം ബ്രാഞ്ച് കമ്മിറ്റിയുടെ നേതൃത്വത്തിൽ വീട്ടിലെത്തി ആദരിച്ചു. സി.പി.എം ജില്ലാ സെക്രട്ടേറിയറ്റ് അംഗം പി.ആർ. മുരളീധരൻ ഉപഹാരം സമ്മാനിച്ചു. തുടർന്ന് പൊന്നാട അണിയിച്ച് ആദരിച്ചു. പി.എ. അനിൽകുമാർ, പി.കെ. രാജു, മോബിൻ തുടങ്ങിയവർ പങ്കെടുത്തു. മോഹൻദാസ് രചിച്ച നഗരപുരാവൃത്തൾ എന്ന കൃതിക്കാണ് അവാർഡ് ലഭിച്ചത്.