കൊച്ചി: ജനശിക്ഷൺ സൻസ്ഥാൻ, റോട്ടറി ക്ലബ്, റെയിൽവേ ചൈൽഡ് ലൈൻ, സഹൃദയ എന്നിവ സംയുക്തമായി ദേശീയ ബാലികദിനാചരണം സംഘടിപ്പിച്ചു. പൊന്നുരുന്നി സഹൃദയ ഓഡിറ്റോറിയത്തിൽ നടന്ന ചടങ്ങിൽ വിവിധ മേഖലകളിൽ മികവ് പുലർത്തിയ ബാലികമാരെ ആദരിച്ചു. സഹൃദയ ഡയറക്ടർ ഫാ. ജോസ് കൊളുത്തുവെള്ളിലിന്റെ അദ്ധ്യക്ഷതയിൽ ചേർന്ന സമ്മേളനം നബാർഡ് എറണാകുളം ജില്ലാ ഡവലപ്‌മെന്റ് മാനേജർ അജീഷ് ബാലു ഉദ്ഘാടനം ചെയ്തു. സി.ജി.മേരി, ചൈൽഡ് ലൈൻ കോ-ഓർഡിനേറ്റർ ഷാനോ ജോസ്, സഹൃദയ കോ-ഓർഡിനേറ്റർ ഷെൽഫി ജോസഫ് എന്നിവർ സംസാരിച്ചു.