കൊച്ചി: എറണാകുളം-അങ്കമാലി അതിരൂപതയുടെ നേതൃത്വത്തിൽ എ.സി.എൻ ഇന്റർനാഷണലിന്റെ സഹകരണത്തോടെ സഹൃദയയും ഫാമിലി അപോസ്റ്റലേറ്റ് വിഭാഗവും സംയുക്തമായി സംഘടിപ്പിച്ച വിധവാ-ഏകസ്ഥ സംഗമം സംഘടിപ്പിച്ചു. കലൂർ റിന്യുവൽ സെന്ററിൽ സംഘടിപ്പിച്ച പരിപാടി ഹൈബി ഈഡൻ എം.പി ഉദ്ഘാടനം ചെയ്തു. അതിരൂപത മെത്രാപ്പോലീത്തൻ വികാരി ആർച്ച്ബിഷപ്പ് മാർ ആൻറണി കരിയിൽ അദ്ധ്യക്ഷത വഹിച്ചു. ഒറ്റപ്പെട്ടു നിൽക്കാതെ ജീവിതവിജയം നേടിയെടുക്കാൻ ഇത്തരം കൂട്ടായ്മകൾ സഹായകമാകുമെന്ന് ഹൈബി പറഞ്ഞു. നിർധനരായ വിധവകൾക്ക് യോഗത്തിൽ ഭക്ഷ്യകിറ്റുകൾ വിതരണം ചെയ്തു. സഹൃദയ ഡയറക്ടർ ഫാ. ജോസ് കൊളുത്തുവെള്ളിൽ, ഫാമിലി അപോസ്റ്റലേറ്റ് അസി. ഡയറക്ടർ ഫാ. ജിന്റോ പടയാട്ടി, റിന്യുവൽ സെന്റർ ഡയറക്ടർ ഫാ. ആൻറണി ഇരവിമംഗലം, ബിനി കൂട്ടുങ്കൽ, സിസ്റ്റർ ജെയ്സി ജോൺ എന്നിവർ സംസാരിച്ചു.