മൂവാറ്റുപുഴ: ഡീൻ കുര്യാക്കോസ് എം.പിയുടെ റൈസ് പദ്ധതിയുടെ ഭാഗമായി വിദ്യാർത്ഥികളെ സിവിൽ സർവീസ് ഉൾപ്പെടെ വിവിധ മത്സരപരീക്ഷകൾക്ക് മികച്ചവിജയം കൈവരിക്കുന്നതിന് പ്രാപ്തരാക്കുക എന്ന ലക്ഷ്യത്തോടെ നടത്തുന്ന പരിശീലന പദ്ധതിക്ക് ഓൺലൈൻ രജിസ്ട്രേഷൻ ആരംഭിച്ചു. ഇടുക്കി പാർലമെന്റ് മണ്ഡലത്തിലുള്ള എട്ടാംക്ലാസ് മുതൽ ബിരുദാനന്തര ബിരുദംവരെയുള്ള വിദ്യാർത്ഥികളെയും ഉൾപ്പെടുത്തി സൗജന്യമായാണ് പരിശീലനം. അഭിരുചി പരിക്ഷകൾ, പൊതുവിജ്ഞാനം, വേദിക് മാത്തമാറ്റിക്സ്, ഇംഗ്ലീഷ്, വ്യക്തിത്വവികസനം, കമ്മ്യൂണിക്കേഷൻ സ്കിൽസ് തുടങ്ങി വിവിധ മേഖലകൾ കേന്ദ്രീകരിച്ചായിരിക്കും പ്രാഥമിക ഘട്ടത്തിലുള്ള ക്ലാസുകൾ ആരംഭിക്കുക. ന്യൂഡൽഹി കേന്ദ്രമായി പ്രവർത്തിക്കുന്ന സിവിൽ സർവീസ് പരീക്ഷാ പരിശീലന സ്ഥാപനമായ എ.എൽ.എസും സ്പാർക്ക് കേരളയുമാണ് പരിശീലനത്തിന് വേണ്ട അക്കാഡമിക് സപ്പോർട്ട് നൽകുന്നതെന്ന് എം.പി. പറഞ്ഞു. ഫോൺ: 04862 222266, 04862 236266.