ഇടുക്കി: തൊടുപുഴ ബ്ലോക്ക് പഞ്ചായത്തിൽ രണ്ടരലക്ഷം തൊഴിൽ ദിനങ്ങൾ നൽകുന്നതിന് 10.21 കോടി രൂപയുടെ തൊഴിലുറപ്പു കർമ്മപദ്ധതിയ്ക്ക് അംഗീകാരം. ബ്ലോക്ക് പഞ്ചായത്തിലെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ഇടവെട്ടി, കരിങ്കുന്നം, മണക്കാട്, കുമാരമംഗലം, മുട്ടം, പുറപ്പുഴ എന്നീ ഗ്രാമ പഞ്ചായത്തുകളിലെ 2022- 23 വർഷത്തെ ലേബർ ബഡ്ജറ്റും വാർഷിക കർമ്മ പദ്ധതിയും തൊടുപുഴ ബ്ലോക്ക് പഞ്ചായത്ത് കമ്മിറ്റി അംഗീകരിച്ച് ജില്ലാ പഞ്ചായത്തിന്റെ അംഗീകാരത്തിനായി നൽകാൻ തീരുമാനിച്ചു. ആകെ 10.21 കോടി രൂപ അംഗീകരിച്ച പദ്ധതിയിൽ 2,51,092 തൊഴിൽദിനങ്ങൾ നൽകാൻ തീരുമാനിച്ചു. 2.9 കോടി രൂപ പദ്ധതിയിലെ കൂലിയിതരയിനത്തിലേക്ക് അംഗീകരിച്ചതായി പ്രസിഡന്റ് ട്രീസ ജോസ് അറിയിച്ചു.