ഇടുക്കി: കാർഷിക വികസന കർഷക ക്ഷേമ വകുപ്പ് കർഷക പങ്കാളിത്തത്തോടെ നടപ്പിലാക്കിക്കൊണ്ടിരിക്കുന്ന ഭാരതീയ പ്രകൃതി കൃഷി പദ്ധതി സുഭിക്ഷം സുരക്ഷിതത്വത്തിന്റെ ഭാഗമായി കാന്തല്ലൂർ മറയൂർ ക്ലസ്റ്ററിന്റെ കിസാൻ മേളയുടെ ഉദ്ഘാടനം 10ന് രാവിലെ 10ന് കാന്തല്ലൂർ വി.എഫ്.പി.സി.കെ ഹാളിൽ കൃഷി മന്ത്രി പി. പ്രസാദ് നിർവഹിക്കും. യോഗത്തിൽ അഡ്വ. കെ. രാജ എം.എൽ.എ അദ്ധ്യക്ഷത വഹിക്കും. അഡ്വ. ഡീൻ കുര്യാക്കോസ് എം.പി മുഖ്യപ്രഭാഷണം നടത്തും. കൃഷി ഡയറക്ടർ ടി.വി. സുഭാഷ്, ജില്ലാ പഞ്ചായത്ത് പ്രസിഡന്റ് ജിജി .കെ .ഫിലിപ്പ്, ദേവികുളം ബ്ലോക്ക് പഞ്ചായത്ത് പ്രസിഡന്റ് ആനന്ദറാണി ദാസ് തുടങ്ങിയവർ പങ്കെടുക്കും. വട്ടവട സന്ദർശിക്കുന്ന മന്ത്രി പഴത്തോട്ട ഫാം സന്ദർശനം, സ്‌ട്രോബറി വിളവെടുപ്പ്, ബിപികെപി ഇൻപുട്ട് വിതരണം എന്നിവ നിർവഹിക്കും. തുടർന്ന് വട്ടവട പഞ്ചായത്ത് ഹാളിൽ കർഷകരുമായി സംവദിക്കുമെന്ന് ഇടുക്കി പ്രിൻസിപ്പൽ കൃഷി ഓഫീസർ അറിയിച്ചു.