ഇടുക്കി :ജില്ലയിൽ മൃഗസംരക്ഷണ വകുപ്പിൽ രാത്രികാല അടിയന്തര മൃഗചികിത്സ സേവനം ലഭ്യമാക്കുന്നതിന് ദിവസ വേതന അടിസ്ഥാനത്തിൽവെറ്ററിനറി സർവ്വീസ് പ്രൊവൈഡർമാരുടെ നിയമനം നടത്തുന്നതിന് ബി.വി.എസ്.സി ആന്റ് എ.എച്ച് യോഗ്യതയും വെറ്ററിനറി കൗൺസിൽരജിസ്‌ട്രേഷൻ ഉള്ളതുമായ വെറ്ററിനറി ഡോക്ടർമാരെ 90 ദിവസത്തേക്ക് കരാർ അടിസ്ഥാനത്തിൽ നിയമിക്കുന്നു. രാത്രികാല സേവനത്തിന് താല്പര്യമുള്ള സംസ്ഥാന വെറ്ററിനറി കൗൺസിൽ രജിസ്‌ട്രേഷന് നേടിയിട്ടുള്ള വെറ്ററിനറി ബിരുദധാരികൾ തിങ്കളാഴ്ച രാവിലെ 11 ന് പൂർണ്ണമായ ബയോഡേറ്റ, വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റ്, പ്രവർത്തി പരിചയം , രജിസ്‌ട്രേഷൻ സർട്ടിഫിക്കറ്റ് എന്നിവ സഹിതം തൊടുപുഴ മങ്ങാട്ടുകവലയിൽ പ്രവർത്തിക്കുന്ന ഇടുക്കി ജില്ലാ മൃഗസംരക്ഷണ ഓഫീസിൽ വാക്ക് ഇൻ ഇന്റർവിന് ഹാജരാക്കേണ്ടതാണ്. വെറ്ററിനറി ബിരുദധാരികളുടെ അഭാവത്തില് വെറ്ററിനറി ഡോക്ടറുടെ തസ്തികയിലേയ്ക്ക് റിട്ടയേർഡ് വെറ്ററിനറി ഡോക്ടർമാരെയും പരിഗണിക്കുന്നതാണ്.