തൊടുപുഴ: ടിപ്പറും ബൈക്കും കൂട്ടിയിടിച്ച് യുവാവ് മരിച്ചു. കുന്നം പട്ടയം കവല ചക്കാലക്കൽ പരേതനായ വർഗീസിന്റെ മകൻ മനുവാണ് (34) മരിച്ചത്. വെള്ളിയാഴ്ച രാവിലെ ആറേമുക്കാലോടെയാണ് അപകടം. വെങ്ങല്ലൂർ ഷാപ്പുംപടിക്ക് സമീപം വാഹനങ്ങൾ തമ്മിൽ കൂട്ടിയിടിക്കുകയായിരുന്നുവെന്ന് പൊലീസ് പറഞ്ഞു. അപകടത്തിൽ പരക്കേറ്റ മനുവിനെ തൊടുപുഴയിലെ സ്വകാര്യആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. പെയിന്റിങ്ങ് തൊഴിലാളിയായിരുന്നു. മാതാവ് ലൂസി. സംസ്‌കാരം ഇന്ന് ഉച്ചകഴിഞ്ഞ് രണ്ടിന് മുതലക്കോടം സെന്റ് ജോർജ് പള്ളി സെമത്തേരിയിൽ.