പീരുമേട്: മനുഷ്യാവകാശ പ്രവർത്തകനും അന്താരാഷ്ട്ര സമാധാന സംഘടനയുടെ അംഗവും കൂടിയായ ഗിന്നസ് മാടസാമിയുടെ ആദ്യ രചനയായ 'തലക്കെട്ടില്ലാത്ത പുസ്തകം ' ഫെബ്രുവരിയിൽ പുറത്തിറങ്ങും. ലോക സമാധാനത്തിന്റെ സാധ്യത, പരിസ്ഥിതി സംരക്ഷണത്തിന്റെ ഉൾക്കാഴ്ചകൾ, മനുഷ്യമുഖം പതിപ്പിച്ച സുസ്ഥിര വികസന പ്രക്രിയകൾ, ഭാവി ലോകത്തിന്റെ നിലനിൽപ്പ്, യുവ തലമുറയ്ക്ക് ആവശ്യമായ പ്രചോദനങ്ങൾ, ജനാധിപത്യ മൂല്യങ്ങളുടെ പ്രസക്തി എന്നീ വിഷയങ്ങൾ ഉൾപ്പെടുത്തിയുള്ള ചിന്തകളെ ആസ്പദമാക്കിയാണ് പുസ്തകം രചിട്ടുള്ളത്. ഒരു പുസ്തകത്തിൽ തന്നെ തമിഴ്, മലയാളം എന്നീ ഭാഷകളിലാണ് വിഷയങ്ങൾ പ്രതിപാദിച്ചിട്ടുള്ളത്. ഇരു ഭാഷകളിൽ പുറത്തു ഇറങ്ങുന്ന ആദ്യത്തെ പ്രചോദനാത്മക പുസ്തകമാകുമിതെന്ന് ഗ്രന്ഥകർത്താവ് അവകാശപ്പെടുന്നു. ഡോ. ഗിന്നസ് മാടസാമി നിലവിൽ പീരുമേട് പോസ്റ്റ് മാസ്റ്ററും ഐക്യരാഷ്ട്ര സഭയുടെ സുസ്ഥിര വികസന ലക്ഷ്യങ്ങൾ, യൂറോപ്യൻ യൂണിയൻ ക്ലൈമറ്റ് പാക്ട് എന്നിവയുടെ ഇന്ത്യയിലെ അംബാസിഡറും കൂടിയാണ്.