പയ്യന്നൂർ: കേരളത്തിലെ ഏ​റ്റവും വലിയ എ.കെ.ജി ശില്പം കാനായി എ.കെ.ജി വായനശാലയിലേക്ക് ഒരുങ്ങുന്നു. കാനായി മീങ്കുഴി ഡാമിന് സമീപം വണ്ണാത്തിപ്പുഴയുടെ തീരത്ത് പുതുതായി നിർമ്മിക്കുന്ന എ.കെ.ജി വായനശാലയുടെ മുന്നിൽ സ്ഥാപിക്കാനാണ് 10.3 അടി ഉയരമുള്ള ശില്പം ഒരുക്കുന്നത്.

മാർച്ച് 22 ന് എ.കെ.ജി ദിനത്തിൽ വായനശാലയും ശില്പവും നാടിന് സമർപ്പിക്കാനുള്ള തയ്യാറെടുപ്പിലാണ് സംഘാടകർ. വെങ്കല നിറം പൂശിയ ശില്പം നാലു മാസം സമയമെടുത്ത് ഫൈബർ ഗ്ലാസ്സിലാണ് ഉണ്ണി കാനായി നിർമ്മിച്ചത്. ശില്പം കാണാൻ സി.പി.എം കണ്ണൂർ ജില്ലാ സെക്രട്ടറി എം.വി. ജയരാജൻ മുൻ എം.എൽ.എ, ടി.വി. രാജേഷ് കോറോം ഈസ്​റ്റ് ലോക്കൽ കമ്മി​റ്റിയംഗം ഭാസ്‌കരൻ എന്നിവരെത്തിയിരുന്നു.