കാസർകോട്: എയിംസ് കാസർകോട് ജനകീയ കൂട്ടായ്മയുടെ ആഭിമുഖ്യത്തിൽ പുതിയ ബസ്‌സ്റ്റാൻഡ് പരിസരത്ത് നടന്നുവരുന്ന അനിശ്ചിതകാല നിരാഹാര സത്യാഗ്രഹ സമരം പതിനെട്ടാം ദിനത്തിലേക്ക് കടന്നു.
കാസർകോട് ജില്ലയുടെ പേരുൾപ്പെടുത്തി ഉടനെ പുതിയ പ്രൊപ്പോസൽ കേന്ദ്രത്തിന് സമർപ്പിക്കുക എന്ന ആവശ്യവുമായാണ് അനിശ്ചിതകാല നിരാഹാര സത്യഗ്രഹ സമരം. ഇന്നലെ ഫറീന കോട്ടപ്പുറത്തിന്റെ അധ്യക്ഷതയിൽ കേരള സിംഗേഴ്സ് സംസ്ഥാന പ്രസിഡന്റ് എൻ.എ. മഹമൂദ് ഉദ്ഘാടനം ചെയ്തു. അമ്പലത്തറ കുഞ്ഞികൃഷ്ണൻ, ഹമീദ് ചേരങ്കൈ, മുഹമ്മദ്‌ ഈച്ചിലങ്കാനം, ഗണേശൻ അരമങ്ങാനം, ഇ.കെ. അബ്ബാസ്, സൂര്യ തേജസ്‌, വി.പി ദിനേഷ്, കേരള സംസ്കാരിക പരിഷത്ത് സംസ്ഥാന പ്രസിഡന്റ് മൂസ പാട്ടില്ലത്ത്, ജനറൽ സെക്രട്ടറി ഡോ. ടി.എം. സുരേന്ദ്രനാഥ്, കുമാരി സിതാര ഉള്ളത്ത്‌, ഹക്കിം ബേക്കൽ, റെജി കമ്മാടം, കരീം ചൗക്കി, ഇസ്മായിൽ ഖബർദാർ, ഷൗക്കത്തലി കരിപ്പൊടി, മൊയ്‌തു തൈക്കടപ്പുറം, താജുദ്ദീൻ ചേരങ്കൈ എന്നിവർ സംസാരിച്ചു. ഫറീന കോട്ടപ്പുറം, അമ്പലത്തറ കുഞ്ഞികൃഷ്ണൻ, ഡോക്ടർ സുരേന്ദ്രനാഥ്, സിസ്റ്റർ ജയ ആന്റോ മംഗലത്ത് എന്നിവരാണ് അനിശ്ചിതകാല നിരാഹാര സമരത്തിൽ ഇന്നലെ ഉപവസിച്ചത്. സംഘാടക സമിതി ചെയർമാൻ നാസർ ചെർക്കളം സ്വാഗതവും ജനറൽ കൺവീനർ സിസ്റ്റർ ജയ ആന്റോ മംഗലത്ത് നന്ദിയും പറഞ്ഞു.