കൽപ്പറ്റ: ജില്ലയിൽ ഇന്നലെ 79 പേർക്ക് കൂടി കൊവിഡ് സ്ഥിരീകരിച്ചു. 61 പേർ രോഗമുക്തി നേടി. 76 പേർക്ക് സമ്പർക്കത്തിലൂടെയാണ് രോഗബാധ. മൂന്ന് ആരോഗ്യപ്റവർത്തകർക്കും രോഗം സ്ഥിരീകരിച്ചു. ഇന്നലത്തെ ടെസ്​റ്റ് പോസി​റ്റീവി​റ്റി നിരക്ക് 3.53 ആണ്.

ഇതോടെ ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 135800 ആയി. 134342 പേർ രോഗമുക്തരായി. നിലവിൽ 673 പേരാണ് ചികിത്സയിലുള്ളത്. ഇവരിൽ 635 പേർ വീടുകളിലാണ് ഐസൊലേഷനിൽ കഴിയുന്നത്. 706 കൊവിഡ് മരണം ജില്ലയിൽ ഇതുവരെ സ്ഥിരീകരിച്ചു.
പുതുതായി നിരീക്ഷണത്തിലായ 1000 പേർ ഉൾപ്പെടെ ആകെ 6941 പേർ നിലവിൽ നിരീക്ഷണത്തിലുണ്ട്. ജില്ലയിൽ നിന്ന് 1558 സാമ്പിളുകൾ ഇന്നലെ പരിശോധനയ്ക്ക് അയച്ചു.

രോഗം ബാധി​ച്ചവർ

ബത്തേരി 10, പൂതാടി 7, മാനന്തവാടി, മുട്ടിൽ, പുൽപ്പള്ളി എന്നിവി​ടങ്ങളിൽ 6 വീതം പേർക്കും, കണിയാമ്പ​റ്റ, പനമരം, മുള്ളൻകൊല്ലി, തിരുനെല്ലി എന്നിവി​ടങ്ങളിൽ 4 വീതം പേർക്കും, അമ്പലവയൽ, എടവക, കൽപ്പ​റ്റ, മേപ്പാടി എന്നിവി​ടങ്ങളിൽ മൂന്ന് വീതം, മൂപ്പൈനാട്, നെന്മേനി, നൂൽപ്പുഴ, തവിഞ്ഞാൽ രണ്ട് വീതം, കോട്ടത്തറ, മീനങ്ങാടി, പടിഞ്ഞാറത്തറ, പൊഴുതന, തരിയോട് എന്നിവി​ടങ്ങളിൽ ഓരോരുത്തർക്കുമാണ് രോഗം സ്ഥിരീകരിച്ചത്. ഇതിന് പുറമെ ബാംഗ്ലൂരിൽ നിന്നു വന്ന പനമരം സ്വദേശിക്കും ഡൽഹിയിൽ നിന്നു വന്ന അമ്പലവയൽ സ്വദേശിക്കും രോഗം സ്ഥിരീകരിച്ചു.